പാരിസ് : എസി മിലാന്‍ വിട്ട ഇറ്റലിയുടെ യൂറോ കപ്പ് ഹീറോ ജിയാൻല്യൂജി ഡൊന്നരുമ്മ പാരിസ് സെന്‍റ് ജര്‍മയ്‌(പിഎസ്‌ജി)നില്‍ ചേര്‍ന്നു. 2026 ജൂണ്‍ വരെയുള്ള അഞ്ച് വര്‍ഷ കരാറിലാണ് 22കാരനായ താരം ഫ്രഞ്ച് ക്ലബ്ബുമായി കരാറിലെത്തിയിരിക്കുന്നത്. വമ്പന്‍ ക്ലബ്ബിന്‍റെ ഭാഗമാവാന്‍ കഴിഞ്ഞതില്‍ അതിയായ സന്തോഷമുണ്ടെന്നും പുതിയ വെല്ലുവിളി ഏറ്റെടുക്കാന്‍ തയ്യാറാണും ഡൊന്നരുമ്മ പ്രതികരിച്ചു.
പുതിയ തീരുമാനം നല്ല മാറ്റങ്ങള്‍ക്ക്
എസി മിലാനുവേണ്ടി, 16 വയസും 242 ദിവസവും പ്രായമുള്ളപ്പോള്‍ സീരി എയില്‍ അരങ്ങേറ്റം നടത്തിയ താരം 251 മത്സരങ്ങളില്‍ ഗോള്‍ വല കാത്തിട്ടുണ്ട്. ടീമിനെ കഴിഞ്ഞ സീസണില്‍ സീരി എയില്‍ രണ്ടാംസ്ഥാനത്തെത്തിക്കുന്നതില്‍ നിര്‍ണായക സ്ഥാനം വഹിച്ച താരം കൂടിയാണ് ഡൊന്നരുമ്മ.
ക്ലബ് വിടുന്നതുമായി ബന്ധപ്പെട്ട് വൈകാരികമായ ഒരു കുറിപ്പ് കഴിഞ്ഞ ദിവസം താരം ഇന്‍സ്റ്റഗ്രാമില്‍ പങ്കുവെച്ചിരുന്നു. നല്ല മാറ്റങ്ങള്‍ക്ക് വേണ്ടിയാണ് പുതിയ തീരുമാനമെന്നാണ് താരം കുറിച്ചത്.
യൂറോ കപ്പിലെ താരം