കൊച്ചി: ഐഎസ്എല്ലിൽ മത്സരങ്ങൾ പുരോഗമിക്കുന്നതിനിടെ പരിക്കിന്‍റെ പിടിയിലകപ്പെട്ട് കേരള ബ്ലാസ്റ്റേഴ്സ്. പ്രതിരോധ താരം എനെസ് സിപോവിച്ചിനാണ് ഏറ്റവുമൊടുവിൽ പരിക്കേറ്റത്. ഈസ്റ്റ് ബംഗാളിനെതിരായ മത്സരത്തിൽ പരിക്കേറ്റ താരത്തിന് രണ്ടാഴ്‌ചയോളം പുറത്തിരിക്കേണ്ടി വരും.
നേരത്തെ മധ്യനിര താരം രാഹുൽ കെപിയേയും, ഗോൾ കീപ്പർ ആൽബീനോ ഗോമസിനേയും പരിക്കുമൂലം ബ്ലാസ്റ്റേഴ്‌സിന് നഷ്ടമായിരുന്നു. അതേസമയം ബ്ലാസ്റ്റേഴ്‌സിന് ആശ്വാസമായി പരിക്കേറ്റ് പുറത്തായിരുന്ന ഹർമൻജോത് ഖബ്ര ടീമിലേക്ക് തിരിച്ചെത്തി. പരിശീലനത്തിനിടെയാണ് താരത്തിന് പരിക്കേറ്റത്. തുടർന്ന് നടത്തിയ പരിശോധനയിൽ പരിക്ക് ഗുരുതരമല്ലെന്ന് കണ്ടെത്തുകയായിരുന്നു.