കൊൽക്കത്ത : ഐലീഗിൽ വിജയത്തോടെ തുടക്കം കുറിച്ച് നിലവിലെ ചാമ്പ്യൻമാരായ ഗോകുലം കേരള എഫ്‌ സി. ചർച്ചിൽ ബ്രദേഴ്‌സിനെതിരെ എതിരില്ലാത്ത ഒരു ഗോളിനായിരുന്നു ഗോകുലത്തിന്‍റെ വിജയം. 15-ാം മിനിട്ടിൽ ക്യാപ്റ്റൻ ഷരീഫ് മുഹമ്മദാണ് ഗോകുലത്തിനായി ഗോൾ നേടിയത്.
റൊണാൾഡ് സിങ്ങിനെ ചർച്ചിൽ താരം ബോക്‌സിൽ വീഴ്‌ത്തിയതിന് ലഭിച്ച പെനാൽറ്റിയിലൂടെയായിരുന്നു ഗോൾ. ഇതോടെ 1-0 ന് ആദ്യ പകുതി അവസാനിച്ചു. രണ്ടാം പകുതിയിലും ഇരു ടീമുകളും കിണഞ്ഞ് ശ്രമിച്ചെങ്കിലും ഗോൾ പിറന്നില്ല.