ലീഡ്‌സ്:ലോകത്തെ മികച്ച പരിശീലകനാണ് പെപ്പ് ഗാർഡിയോളയെന്ന് മാഞ്ചസ്റ്റർ സിറ്റിയുടെ പ്രതിരോധ താരം ഒലെക‌്സാണ്ടർ സിൻചെങ്കോ. പ്രീമിയർ ലീഗിലെ നിലവിലെ ചാമ്പ്യനായ മാഞ്ചസ്റ്റർ സിറ്റിയുടെ പരിശീലകനാണ് ഗാർഡിയോള. അവിശ്വസനീയമാം വിധം തന്ത്രങ്ങൾ നടപ്പാക്കുന്ന പരിശീലകനാണ് അദ്ദേഹമെന്ന് യുക്രയിന്‍റെ പ്രതിരോധതാരം സിന്‍ചെങ്കോ പറഞ്ഞു. എപ്പോഴാണ് ടീമിന് ഉപദേശം ആവശ്യമുള്ളതെന്ന് അദ്ദേഹത്തിന് അറിയാം. വേണ്ടകാര്യം അദ്ദേഹം വേണ്ട സമയത്ത് പറയുന്നു.
പരിശീലകനെ പ്രശംസിച്ച് മാഞ്ചസ്റ്റർ സിറ്റിയുടെ പ്രതിരോധതാരം
മാഞ്ചസ്റ്റർ സിറ്റിയുടെ പരിശീലകന്‍ പെപ്പ് ഗാർഡിയോളയെ പ്രശംസിച്ച് 23 വയസുള്ള യുക്രയിന്‍ പ്രതിരോധതാരം ഒലെക‌്സാണ്ടർ സിൻചെങ്കോ
പെപ്പ് ഗാർഡിയോള
പ്രീമിയർ ലീഗില്‍ ഞായറാഴ്ച്ച നടന്ന മത്സരത്തില്‍ ഷെന്‍ഫീല്‍ഡിനെ ഏകപക്ഷീയമായ രണ്ട് ഗോളുകൾക്ക് മാഞ്ചസ്‌റ്റര്‍ സിറ്റി പരാജയപ്പെടുത്തിയിരുന്നു. പുതുവർഷ ദിനത്തില്‍ എവർട്ടണിന് എതിരെയാണ് ക്ലബിന്‍റെ അടുത്ത മത്സരം. നിലവില്‍ 41 പോയിന്‍റുമായി മാഞ്ചസ്റ്റർ സിറ്റി ലീഗില്‍ നാലാം സ്ഥാനത്താണ്.