മാഡ്രിഡ് :റയലിന്‍റെ നായകന്‍ സെര്‍ജിയോ റാമോസിനെ നോട്ടമിട്ട് വമ്പന്‍മാര്‍. പ്രീമിയര്‍ ലീഗിലെയും ഇറ്റാലിയന്‍ സീരി എയിലെയും ഫ്രഞ്ച് ലീഗിലെയും കരുത്തരാണ് റാമോസിനെ സ്വന്തമാക്കാന്‍ നീക്കം നടത്തുന്നത്. റയലുമായുള്ള കരാര്‍ അവസാനിച്ചതിനാല്‍ റാമോസിനെ ഫ്രീ ഏജന്‍റായി സ്വന്തമാക്കാനുള്ള അവസരമാണിപ്പോള്‍ ലഭിച്ചിരിക്കുന്നത്.
ഫ്രഞ്ച് ലീഗിലെ പാരീസ് സെയിന്‍റ് ജര്‍മന്‍ ഇതിനകം റാമോസുമായി ബന്ധപ്പെട്ടതായി ഗോള്‍ ഡോട്ട് കോം റിപ്പോര്‍ട്ട് ചെയ്‌തു. പിഎസ്‌ജിയെ കൂടാതെ മാഞ്ചസ്റ്റര്‍ യുണൈറ്റഡും നിലവിലെ ചാമ്പ്യന്‍മാരായ മാഞ്ചസ്റ്റര്‍ സിറ്റിയും ഇറ്റാലിയന്‍ സീരി എയിലെ റോമയും നീക്കങ്ങള്‍ നടത്തുന്നതായാണ് സൂചന.
Also Read : റെക്കോഡിട്ട് റോണോ; സമനില കൈവിടാതെ ഫ്രാന്‍സും പോര്‍ച്ചുഗലും പ്രീ ക്വാര്‍ട്ടറില്‍