വാര്‍സ:മാരത്തോണ്‍ പനാല്‍ട്ടി ഷൂട്ട് ഔട്ടിനൊടുവില്‍ യൂറോപ്പ ലീഗില്‍ മുത്തമിട്ട് വിയ്യാറയല്‍. 120 മിനിട്ട് നീണ്ട ലീഗിലെ ഫൈനല്‍ പോരാട്ടത്തില്‍ ഇരു ടീമുകളും ഓരോ ഗോള്‍ വീതം അടിച്ച് പിരിഞ്ഞതോടെയാണ് കിരീട പോരാട്ടം പെനാല്‍ട്ടി ഷൂട്ട് ഔട്ടിലേക്ക് നീങ്ങിയത്. യുണൈറ്റഡിന്‍റെ ഗോളി സ്പാനിഷ് ഗോളി ഡേവിഡ് ഡിയേഗയുടെ ഷോട്ടാണ് പിഴച്ചത്.
പോസ്റ്റിന്‍റെ വലത് മൂലയിലേക്ക് ഡിയേഗ തൊടുത്ത ഷോട്ട് വിയ്യാറയലിന്‍റെ വല കാത്ത ജിറോനിമോ റൂളി തടുത്തിട്ടു. ഒരു പതിറ്റാണ്ടായി യുണൈറ്റഡിന്‍റെ വല കാത്ത സ്പാനിഷ് ഗോളിക്ക് പന്തുമായി ഗോള്‍മുഖത്ത് എത്തിയപ്പോള്‍ പിഴച്ചു. പോസ്റ്റിന്‍റെ വലത് മൂലയിലേക്ക് ഡിയേഗ തൊടുത്ത ഷോട്ട് വിയ്യാറയലിന്‍റെ വല കാത്ത ജിറോനിമോ റൂളി തടുത്തിട്ടു. ഇതോടെ വിയ്യാറയല്‍ കിരീടത്തില്‍ മുത്തമിട്ടു. 10 ഷോട്ടുകള്‍ യുണൈറ്റഡ് ഗോളാക്കിയപ്പോള്‍ 11 ഷോട്ടുകളും വിയ്യാറയല്‍ വലയിലെത്തിച്ചു.
യൂറോപ്പിലെ ഒരു പ്രമുഖ ലീഗ് കിരീടം വിയ്യാറയല്‍ ആദ്യമായാണ് സ്വന്തമാക്കുന്നത്. ലീഗിലെ ഈ സീസണില്‍ ഒരു മത്സരം പോലും പരാജയപ്പെടാതെ ഫൈനലില്‍ പ്രവേശിച്ച വിയ്യാറയല്‍ അവസാന നിമിഷം വരെ പോരാടിയാണ് കപ്പ് സ്വന്തമാക്കിയത്.