ഇക്വഡോറിനെ തകർത്ത് ചിലി കുതിപ്പ് തുടരുന്നു

ഇക്വഡോറിനെ ഒന്നിനെതിരെ രണ്ട് ഗോളുകൾക്ക് തോല്‍പ്പിച്ച് നിലവിലെ ചാമ്പ്യന്മാരായ ചിലി ക്വാർട്ടറില്‍.

സാല്‍വഡോര്‍: കോ​പ്പ അ​മേ​രി​ക്കയില്‍ നിലവിലെ ചാമ്പ്യന്മാരായ ചിലി ക്വാര്‍ട്ടറില്‍ കടന്നു. ഇക്വഡോറിനെ ഒന്നിനെതിരെ രണ്ട് ഗോളുകൾക്കാണ് ചിലി തകർത്തത്. ​ഗ്രൂപ്പ് സിയില്‍ ചിലിയുടെ തുടര്‍ച്ചയായ രണ്ടാം ജയമാണിത്. കളിയുടെ തു​ട​ക്കം മു​ത​ല്‍ ആ​ക്ര​മി​ച്ച് കളിക്കാനാണ് ചിലി ശ്രമിച്ചത്. മത്സരത്തിന്‍റെ എ​ട്ടാം മി​നി​റ്റി​ല്‍ ചിലിക്ക് വേണ്ടി ജോ​സ് പെ​ട്രോ ഫ്യൂ​ന്‍​സാ​ലി​ഡ ലക്ഷ്യം കണ്ടു. എ​ന്നാ​ല്‍ 26-ാം മി​നി​റ്റി​ല്‍ ലഭിച്ച പെനാല്‍റ്റിയില്‍ ഇക്വഡോർ സമനില പിടിച്ചു. കിക്കെടുത്ത എ​ന്ന​ര്‍ വ​ല​ന്‍​സി​ക്ക് ലക്ഷ്യം പിഴച്ചില്ല.

ര​ണ്ടാം പ​കു​തി​യു​ടെ തു​ട​ക്ക​ത്തി​ല്‍ ​ത​ന്നെ തിരിച്ചടിച്ച ചിലി ലീഡ് ഉ​യ​ര്‍​ത്തി. 51-ാം മി​നി​റ്റി​ല്‍ അ​ല​ക്സി​സ് സാ​ഞ്ച​സാ​ണ് ചി​ലി​യു​ടെ വി​ജ​യത്തില്‍ നിർണായകമായ ​ഗോ​ള്‍ ക​ണ്ടെ​ത്തി​യ​ത്. ഗ്രൂ​പ്പ് സി​യി​ല്‍ കളിച്ച ര​ണ്ട് മ​ത്സ​ര​ങ്ങ​ളും ജ​യി​ച്ച ചി​ലി ആ​റ് പോ​യി​ന്‍റു​ക​ളു​മാ​യി പ​ട്ടി​ക​യി​ല്‍ ഒ​ന്നാ​മ​താ​ണ്. നാ​ല് പോ​യി​ന്‍റു​ള്ള ഉ​റു​ഗ്വെ​യാ​ണ് തൊട്ടുപിന്നില്‍. ഉറുഗ്വേയുമായി സമനില നേടിയ അതിഥി രാജ്യമായ ജപ്പാൻ മൂന്നാം സ്ഥാനത്തും രണ്ട് തോല്‍വി വഴങ്ങിയ ഇക്വഡോർ അവസാന സ്ഥാനത്തുമാണ്. കരുത്തരായ ഉറുഗ്വേയുമായാണ് ചിലിയുടെ അടുത്ത പോരാട്ടം.