മിലാന്‍: സീരി എയില്‍ യുവന്‍റസിന് സമനിലയോടെ തുടക്കം. രണ്ട് ഗോളിന് യുഡിനീസാണ് കരുത്തരായ യുവന്‍റസിനെ സമനിലയിൽ കുരുക്കിയത്. സൂപ്പര്‍ താരം ക്രിസ്റ്റ്യാനോ റൊണാൾഡോയെ പുറത്തിരുത്തി തുടങ്ങിയ മത്സരത്തില്‍ ആദ്യ പകുതിയില്‍ തന്നെ യുവന്‍റസ് രണ്ട് ഗോളിന് മുന്നിലെത്തിയിരുന്നു.
ഡിബാലയും (മൂന്നാം മിനിട്ട്), ക്വാഡ്രാഡോ (23ാം മിനിട്ട്) മാണ് യുവന്‍റസിനെ മുന്നിലെത്തിച്ചത്. എന്നാല്‍ രണ്ടാം പകുതിയിൽ രണ്ട് ഗോൾ തിരിച്ചടിച്ച് യുഡിനീസ് സമനില പിടിച്ചു. 51ാം മിനിട്ടില്‍ പെനാല്‍റ്റിയിലൂടെ റോബർട്ടോ പെരേരയും 83ാം മിനിട്ടില്‍ ജെറാർഡ് ഡ്യൂലോഫ്യൂയുമാണ് ലക്ഷ്യം കണ്ടത്.
also read:ലാ ലിഗ: അത്‌ലറ്റിക്കോ മുന്നോട്ട്; റയലിന് സമനിലക്കുരുക്ക്
60ാം മിനിട്ടില്‍ അൽവാരോ മൊറാട്ടയ്ക്ക് പകരം പരിശീലകൻ അല്ലെഗ്രി ക്രിസ്റ്റ്യാനോയെ കളത്തിലിറക്കിയിരുന്നു. 63ാം മിനിട്ടില്‍ ഹെഡറിലൂടെ ഗോള്‍ നേടാനുള്ള അവസരം താരത്തിന് ലഭിച്ചിരുന്നെങ്കിലും ഇഞ്ചുകളുടെ വ്യത്യാസത്തില്‍ പന്ത് വലയ്‌ക്ക് പുറത്തായി.