ഫുട്ബോള്‍ താരം ബൂട്ടിയയുടെ ജെഴ്സികള്‍ ലേലത്തിന്

തെരഞ്ഞെടുപ്പ് ചിലവുകള്‍ക്ക് പണം കണ്ടെത്താനാണ് ബൂട്ടിയ ജെഴ്സികള്‍ ലേലം ചെയ്യുന്നത്. ഹംരോ സിക്കിം എന്ന രാഷ്ട്രീയ പാര്‍ട്ടിയുടെ സ്ഥാപകനാണ് ബൂട്ടിയ

തെരഞ്ഞെടുപ്പ് പ്രചാരണത്തിന് പണം കണ്ടെത്തുന്നതിന് മുന്‍ ഇന്ത്യന്‍ ഫുട്ബോള്‍ താരം ബൈചൂങ് ബൂട്ടിയ തന്‍റെ ജെഴ്സികള്‍ ലേലം ചെയ്യുന്നു. ഹംരോ സിക്കിമിന്‍റെ പ്രചരണത്തിനായാണ് ലേലം. ഫുട്ബോൾ ഇതിഹാസങ്ങളായ സിനദിൻ സിദാനും ലൂയിസ് ഫിഗോയും ഒപ്പുവച്ച രണ്ട് ജേഴ്സികളാണ് ഇവ. ഇവയിലൊന്ന് ദാരിദ്ര്യ നിർമാർജനവുമായി ബന്ധപ്പെട്ട് ഐക്യരാഷ്ട്രസഭ സംഘടിപ്പിച്ച ഫുട്ബോൾ മത്സരത്തില്‍ ബൂട്ടിയ അണിഞ്ഞതാണ്. മറ്റൊന്ന് 2012ല്‍ ബെയൺ മ്യൂണിക്കിനെതിരെ തന്‍റെ വിടവാങ്ങല്‍ മത്സരത്തില്‍ അണിഞ്ഞതും. കഴിഞ്ഞ വര്‍ഷം മാര്‍ച്ച് 31നാണ് ബൂട്ടിയ രാഷ്ട്രീയ പാര്‍ട്ടി രൂപീകരിച്ചത്.