മുംബെെ:ടെസ്റ്റ് ചാമ്പ്യൻഷിപ്പിന്‍റെ ഫെെനൽ മൂന്ന് മത്സരങ്ങളായി നടത്തണമെന്ന് ഇന്ത്യൻ ക്രിക്കറ്റ് ടീം പരിശീലകന്‍ രവി ശാസ്ത്രി. ന്യൂസിലാൻഡിനെതിരായ ഫെെനൽ മത്സരത്തിനായി ഇംഗ്ലണ്ടിലേക്ക് പുറപ്പെടുന്നതിന് മുന്നോടിയായി നടത്തിയ വാർത്താസമ്മേളനത്തിലാണ് രവി ശാസ്ത്രി ഇക്കാര്യം പറഞ്ഞത്.
'ആദ്യത്തെ ടെസ്റ്റ് ചാമ്പ്യന്‍ഷിപ്പ് ഫൈനലാണ് നടക്കാനിരിക്കുന്നത്. വ്യാപ്തി നോക്കുമ്പോള്‍ ഏറ്റവും വലിയ ടൂര്‍ണമെന്‍റാണിത്. ലോകത്തിലെ പ്രമുഖ ടീമുകളെല്ലാം പരസ്പരം കളിച്ചതില്‍ നിന്നാണ് ഫൈനല്‍ കളിക്കാനുള്ള യോഗ്യത നേടിയിരിക്കുന്നത്.