സതാംപ്ടണ്‍ : ലോക ടെസ്റ്റ് ചാമ്പ്യന്‍ഷിപ്പ് ഫൈനലിന്‍റെ ആറാം ദിനം രണ്ടാം ഇന്നിങ്സിനിറങ്ങിയ ഇന്ത്യയ്ക്ക് തുടക്കം പാളി. മഴ മാറിനിന്ന റിസര്‍വ് ദിനത്തിന്‍റെ ആദ്യ സെഷന്‍റെ തുടക്കത്തില്‍ തന്നെ ക്യാപ്റ്റന്‍ വിരാട് കോലിയും ചേതേശ്വര്‍ പൂജാരയും പുറത്ത്.
29 പന്തിൽ 13 റൺസെടുത്ത കോലി ജാമിസണിന്‍റെ പന്തില്‍ ബിജെ വാട്‌ലിങ്ങിന് പിടികൊടുത്ത് മടങ്ങുകയായിരുന്നു. 80 പന്തിൽ നിന്ന് 15 റൺസെടുത്ത പൂജാരയേയും ജാമിസണ്‍ ടെയ്‌ലറുടെ കൈയിലെത്തിച്ചു. ഒടുവില്‍ വിവരം ലഭിക്കുമ്പോള്‍ ഇന്ത്യ 49 ഓവറില്‍ നാല് വിക്കറ്റ് നഷ്ടത്തില്‍ 103 റണ്‍സെടുത്തിട്ടുണ്ട്.