ദുബായ്‌ :മുന്‍ പ്രസിഡന്‍റ്പർവേസ് മുഷാറഫിന് വിട നല്‍കുകയാണ് പാകിസ്ഥാന്‍. ഞായറാഴ്‌ചയായിരുന്നു അദ്ദേഹത്തിന്‍റെ വിയോഗം. ദുബായിലെ ആശുപത്രിയിലായിരുന്നു അന്ത്യം. 2001 മുതൽ 2008 വരെയാണ് അദ്ദേഹം പാകിസ്ഥാന്‍റെ പ്രസിഡന്‍റ് പദവി വഹിച്ചത്.
ക്രിക്കറ്റുമായും ബന്ധം പുലര്‍ത്തിയിരുന്ന ആളായിരുന്നു മുഷാറഫ്. ഒരിക്കല്‍ ഇന്ത്യന്‍ നായകനായിരുന്ന എംഎസ് ധോണിയുടെ ഹെയര്‍ക്കട്ടിനെ അദ്ദേഹം അഭിനന്ദിച്ചിരുന്നു. 2005ല്‍ ഇന്ത്യ പാകിസ്ഥാനില്‍ പര്യടനം നടത്തുമ്പോഴാണ് ഈ സംഭവമുണ്ടായത്.
പാകിസ്ഥാനെതിരെ ഇന്ത്യ വിജയിച്ച മത്സരത്തിന്‍റെ പുരസ്‌കാര വിതരണ ചടങ്ങിനിടെയാണ് ധോണിയുടെ ഹെയര്‍ക്കട്ടിനെക്കുറിച്ച് മുഷാറഫ് സംസാരിച്ചത്. സന്ദര്‍ശകരുടെ വിജയത്തിന് നായകനായ ധോണിയെ അഭിനന്ദിച്ചുകൊണ്ടാണ് അദ്ദേഹം തുടങ്ങിയത്.