ദുബായ്‌: ക്രിക്കറ്റ് മൈതാനത്തുള്ള ആഘോഷങ്ങള്‍ക്ക് ഓരോ കളിക്കാര്‍ക്കും തങ്ങളുടേതായ രീതിയുണ്ട്. ഇതിന് ബോളറെന്നെ ബാറ്ററെന്നോ വ്യത്യാസമില്ല. ഇപ്പോഴിതാ സെർബിയൻ താരം അയോ മെനെ-എജെഗിക്കിന്‍റെ തകര്‍പ്പന്‍ ആഘോഷത്തിന്‍റെ വീഡിയോ സോഷ്യല്‍ മീഡിയയില്‍ വൈറലാവുകയാണ്.
'തലകുത്തി മറിഞ്ഞ് ചത്തപോലെയൊരു കിടപ്പ്'; സെര്‍ബിയന്‍ താരത്തിന്‍റെ വിചിത്രമായ ആഘോഷം വൈറല്‍
വേറിട്ട ആഘോഷത്തിലൂടെ സെർബിയൻ താരം അയോ മെനെ-എജെഗിയാണ് സോഷ്യല്‍ മീഡിയയില്‍ താരമാവുന്നത്.
'തലകുത്തി മറിഞ്ഞ് ചത്തപോലെയൊരു കിടപ്പ്'; സെര്‍ബിയന്‍ താരത്തിന്‍റെ വിചിത്രമായ ആഘോഷം വൈറല്‍
വിക്കറ്റ് നേടിയതിന് പിന്നാലെ ഗ്രൗണ്ടില്‍ തലകുത്തി മറിയുന്ന താരം ഇരു കയ്യുകളും വിരിച്ച് അനങ്ങാതെ കിടക്കുന്നതാണ് വീഡിയോയിലുള്ളത്. ഐസിസിയാണ് തങ്ങളുടെ ഔദ്യോഗിക ഇന്‍സ്റ്റഗ്രാം അക്കൗണ്ടിലുടെ ഈ വേറിട്ട ആഘോഷം പങ്കുവെച്ചത്.
ഐസിസി ടി20 ലോകകപ്പിനായുള്ള യൂറോപ്പ് സബ് റീജിയണൽ ക്വാളിഫയർ ഗ്രൂപ്പ് മത്സരത്തില്‍ നിന്നാണ് വീഡിയോ പകര്‍ത്തിയത്. മത്സരത്തില്‍ സെർബിയയ്‌ക്കായി നാല് വിക്കറ്റുകള്‍ വീഴ്‌ത്താനും അയോ മെനെയ്‌ക്ക് കഴിഞ്ഞിരുന്നു.