മുംബൈ: നിലവിലെ ഫോം പരിഗണിക്കുമ്പോള്‍ റിഷഭ് പന്ത് ഇന്ത്യയുടെ ടി-20 ടീമില്‍ ഉള്‍പ്പെടേണ്ട താരമല്ലെന്ന് മുന്‍ ഇന്ത്യന്‍ താരം വസീം ജാഫര്‍. ഇപ്പോഴത്തെ സാഹചര്യത്തില്‍ കെ.എല്‍ രാഹുല്‍, ദിനേശ് കാര്‍ത്തിക് എന്നിവരാണ് ടീമിലെത്താന്‍ അര്‍ഹരെന്ന് ജാഫര്‍ പറഞ്ഞു. ഇഎസ്‌പിഎന്‍ ക്രിക്ക്‌ഇന്‍ഫോയ്‌ക്ക് നല്‍കിയ അഭിമുഖത്തിലാണ് താരത്തിന്‍റെ പ്രതികരണം.
നിലവില്‍ ടീമില്‍ കെ.എൽ രാഹുൽ ഉണ്ട്. രാഹുല്‍ ഒരു വിക്കറ്റ് കീപ്പര്‍ ബാറ്ററാണ്. കാര്‍ത്തിക്കിനെ പരിഗണിച്ചാല്‍ അദ്ദേഹവും വിക്കറ്റ് കീപ്പറാണ്. അതുകൊണ്ട് തന്നെ നിലവിലെ പ്രകടനങ്ങള്‍ പരിഗണിക്കുമ്പോള്‍ റിഷഭ് ടീമില്‍ ഉള്‍പ്പെടേണ്ട താരമല്ല.