ദുബായ്‌ : ടി20 ലോകകപ്പിനിടെ വാർത്താസമ്മേളനത്തിൽ മേശപ്പുറത്തിരുന്ന കൊക്ക കോള കുപ്പിമാറ്റി ക്രിസ്റ്റ്യാനോ റൊണാൾഡോയെ അനുകരിച്ച് ഡേവിഡ് വാർണർ. എന്നാൽ അൽപസമയത്തിനകം താരം കുപ്പികൾ തിരിച്ച് മേശപ്പുറത്ത് വയ്‌ക്കുകയും ചെയ്തു.
ശ്രീലങ്കക്കെതിരായ മത്സരശേഷം നടന്ന വാർത്താസമ്മേളനത്തിലാണ് ചിരി പടർത്തിയ സംഭവം. വാർത്താസമ്മേളനത്തിനെത്തിയപ്പോൾ തനിക്ക് ഈ കുപ്പികൾ മാറ്റിവയ്‌ക്കാൻ സാധിക്കുമോ എന്ന് ചോദിച്ചുകൊണ്ട് വാർണർ രണ്ട് കുപ്പികളും മേശപ്പുറത്തുനിന്ന് എടുത്ത് താഴേക്ക് വയ്‌ക്കാനൊരുങ്ങി.
എന്നാൽ ഉടൻ തന്നെ ഐസിസി അധികൃതരിലൊരാൾ താരത്തിന്‍റെ അടുത്തെത്തി എന്തോ പറഞ്ഞു. പിന്നാലെ 'ക്രിസ്റ്റ്യാനോയ്ക്ക് നല്ലതാണെങ്കിൽ എനിക്കും നല്ലതാണെന്ന്' പറഞ്ഞ് താരം കുപ്പികൾ തിരികെ മേശമേൽ വയ്‌ക്കുകയായിരുന്നു.