അബുദബി: ടി20 ലോകകപ്പില് ഇന്ത്യയ്ക്ക് വീണ്ടും ടോസ് നഷ്ടം. ടോസ് നേടിയ അഫ്ഗാനിസ്ഥാന് ബൗളിങ് തെരഞ്ഞെടുത്തു. ആദ്യ രണ്ട് മത്സരങ്ങളിലും വമ്പൻ തോൽവി വഴങ്ങിയ ഇന്ത്യക്ക് അഫ്ഗാനിനെതിരെ മികച്ച മാർജിനിൽ വിജയിച്ചാൽ മാത്രമേ സെമിഫൈനലിലേക്കുള്ള സാധ്യത നിലനിര്ത്താനാവു.
ഇന്ത്യന് നിരയില് പരിക്ക് മാറിയ സൂര്യകുമാര് യാദവ് തിരിച്ചെത്തി. മിസ്റ്ററി സ്പിന്നര് വരുണ് ചക്രവര്ത്തിക്ക് പകരം രവിചന്ദ്ര അശ്വിനും ടീമില് ഇടം പിടിച്ചിട്ടുണ്ട്. അഫ്ഗാന് ടീമില് സ്പിന്നര് മുജീബുര് റഹ്മാന് പുറത്തായി. അബുദബിയില് നടന്ന എട്ട് മത്സരങ്ങളില് ആറിലും ജയിച്ചത് രണ്ടാമതു ബാറ്റു ചെയ്തവരാണ്.