മുംബൈ: ടി20 ലോകകപ്പിനുള്ള ഇന്ത്യയുടെ അന്തിമ ടീമിനെ പ്രഖ്യാപിച്ചു. ഓള്‍റൗണ്ടര്‍ അക്‌സര്‍ പട്ടേലിന് പകരം പേസര്‍ ശാര്‍ദുല്‍ താക്കൂറിനെ 15 അംഗ ടീമില്‍ ഉള്‍പ്പെടുത്തിയിട്ടുണ്ട്. ടീമില്‍ നിന്ന് പുറത്തായെങ്കിലും അക്‌സര്‍ പട്ടേൽ സ്റ്റാൻഡ് ബൈ താരമായി തുടരും.
കൊവിഡിനെ തുടര്‍ന്ന് ഇന്ത്യയില്‍ നിന്നും മാറ്റിയ ടി20 ലോകകപ്പ് ഒക്ടോബർ 17 മുതൽ നവംബർ 14 വരെ യുഎഇയിലും ഒമാനിലുമായാണ് നടക്കുക. ഒക്ടോബർ 24ന്‌ പാക്കിസ്ഥാനെതിരെയാണ് ഇന്ത്യയുടെ ആദ്യ മത്സരം. ഗ്രൂപ്പ് രണ്ടിന്‍റെ ഭാഗമായ മത്സരം ദുബായിലാണ് നടക്കുക.
ടി20 ലോകകപ്പിന് മുന്നോടിയായി ഇന്ത്യന്‍ ക്രിക്കറ്റ് ടീമിന്‍റെ പുതിയ ജേഴ്‌സി അവതരിപ്പിച്ചു. കടുംനീല നിറത്തിലുള്ള പുതിയ ജേഴ്‌സിക്ക് 'Billion Cheers Jersey' എന്നാണ് പേര് നല്‍കിയിരിക്കുന്നത്. ജേഴ്‌സിയിലെ പാറ്റേണുകൾ ഇന്ത്യക്കായി ആർപ്പുവിളിക്കുന്ന ആരാധകരെ പ്രതിനിധീകരിക്കുന്നതാണെന്ന് കിറ്റ് സ്പോണ്‍സര്‍മാരായ എംപിഎൽ സ്‌പോര്‍ട്‌സ്‌ പ്രസ്‌താവനയില്‍ പറഞ്ഞു.
ടി20 ലോകകപ്പിനുള്ള ഇന്ത്യന്‍ ടീം