ബെംഗളൂരു: ഫസ്റ്റ് ക്ലാസ് അരങ്ങേറ്റം അവിസ്‌മരണീയമാക്കി മുംബൈ ബാറ്റര്‍ സുവേദ് പാര്‍ക്കര്‍. രഞ്ജി ട്രോഫി ക്വാർട്ടർ ഫൈനലിൽ ഉത്തരാഖണ്ഡിനെതിരായ മത്സരത്തില്‍ ഇരട്ട സെഞ്ചുറി നേടിയാണ് 21 കാരനായ സുവേദ് അരങ്ങേറ്റം ഗംഭീരമാക്കിയത്. ഐപിഎല്ലിനിടെ പരിക്കേറ്റ് പുറത്തായ അജിങ്ക്യ രഹാനെയ്ക്ക് പകരക്കാരനായാണ് സുദേവ് മുംബൈ ടീമിലെത്തിയത്.
മത്സരത്തില്‍ നാലാം നമ്പറിലെത്തി സുവേദ് 447 പന്തില്‍ നിന്ന് 21 ഫോറും നാല് സിക്സറും സഹിതം 252 റണ്‍സാണ് നേടിയത്. ഇതോടെ അമോൽ മജുംദാർക്ക് ശേഷം രഞ്ജി ട്രോഫി അരങ്ങേറ്റത്തിൽ ഇരട്ട സെഞ്ചുറി നേടുന്ന രണ്ടാമത്തെ താരമാവാനും സുവേദ് പാര്‍ക്കര്‍ക്ക് കഴിഞ്ഞു. 1993-94 സീസണിൽ ഹരിയാനയ്‌ക്കെതിരെ ബോംബെയ്ക്കായി അരങ്ങേറിയ അമോൽ മജുംദാർ 260 റൺസാണ് നേടിയിരുന്നത്.