ലഖ്‌നൗ: ദീപക് ചാഹറിന് പിന്നാലെ സൂര്യകുമാര്‍ യാദവിനും ശ്രീലങ്കയ്‌ക്കെതിരായ ടി20 പരമ്പരയ്ക്ക് നഷ്‌ടമാവും. കയ്യിനേറ്റ നേരിയ പൊട്ടലാണ് സൂര്യകുമാറിന് വിനയായത്. വെസ്റ്റ് ഇൻഡീസിനെതിരായ അവസാന ടി20യിൽ ബൗളിങ്ങിനിടെയാണ് ചഹറിന് തുടയ്ക്ക് പരിക്കേറ്റത്.
വിശ്വസ്‌ത താരത്തിന്‍റെ അഭാവം ഇന്ത്യ എങ്ങനെ മറികടക്കുമെന്ന് കണ്ടറിയണം. വിന്‍ഡീസിനെതിരെ മാന്‍ ഓഫ് ദ സീരീസ് സൂര്യകുമാറായിരുന്നു. ടീമിൽ മികച്ച താരങ്ങളെ ലഭ്യമായതിനാൽ പരിക്കേറ്റ താരങ്ങൾക്ക് പകരക്കാരെ ബിസിസിഐ തിരഞ്ഞെടുത്തിട്ടില്ല. ശ്രീലങ്കയ്‌ക്കെതിരായ പരമ്പരയിൽ വിരാട് കോലിക്കും ഋഷഭ് പന്തിനും വിശ്രമം നൽകുമെന്ന് ബിസിസിഐ നേരത്തെ പ്രഖ്യാപിച്ചിരുന്നു.