ന്യൂഡല്‍ഹി: ക്രിക്കറ്റിന്‍റെ എല്ലാ ഫോര്‍മാറ്റില്‍ നിന്നും വിരമിക്കല്‍ പ്രഖ്യാപിച്ച് മുന്‍ ഇന്ത്യന്‍ താരം സുരേഷ് റെയ്‌ന. ട്വിറ്ററിലൂടെയാണ് റെയ്‌ന വിരമിക്കല്‍ പ്രഖ്യാപിച്ചിരിക്കുന്നത്.
"രാജ്യത്തെയും സംസ്ഥാനമായ യുപിയെയും പ്രതിനിധീകരിക്കാൻ കഴിഞ്ഞത് തികഞ്ഞ ബഹുമതിയാണ്. ക്രിക്കറ്റിന്‍റെ എല്ലാ ഫോർമാറ്റുകളിൽ നിന്നും വിരമിക്കൽ പ്രഖ്യാപിക്കാൻ ആഗ്രഹിക്കുന്നു. എല്ലാ ആരാധകരുടെയും പിന്തുണയ്‌ക്കും, എന്‍റെ കഴിവുകളിൽ അര്‍പ്പിച്ച അചഞ്ചലമായ വിശ്വാസത്തിനും നന്ദി", റെയ്‌ന ട്വിറ്ററില്‍ കുറിച്ചു.
ചെന്നൈ സൂപ്പര്‍ കിങ്‌സ്, ഉത്തര്‍പ്രദേശ് ക്രിക്കറ്റ് അസോസിയേഷന്‍, ബിസിസിഐ, ഐപിഎല്‍, രാജീവ് ശുക്ല എന്നിവരെ ടാഗ് ചെയ്‌താണ് താത്തിന്‍റെ വിരമിക്കല്‍ പ്രഖ്യാപനം. 2020 ഓഗസ്റ്റ് 15ന് അന്താരാഷ്‌ട്ര ക്രിക്കറ്റില്‍ നിന്നും വിരമിച്ച റെയ്‌ന ഐപിഎല്ലില്‍ കളിച്ചിരുന്നു.