കറാച്ചി: ക്രിക്കറ്റ് ചരിത്രത്തിലെ ഏറ്റവും വേഗതയേറിയ പന്തെറിഞ്ഞ് ചരിത്രത്തില് ഇടം നേടിയ താരമാണ് പാക് ഇതിഹാസം ശുഐബ് അക്തര്. 161.3 കിലോ മീറ്റര് വേഗത്തിലായിരുന്നു അക്തര് ചരിത്രത്തിലേക്ക് പന്തെറിഞ്ഞത്. എന്നാല് ക്രിക്കറ്റ് ഒരു ഹോബിയല്ലാതിരുന്നിട്ടും, ഗെയിമിലേക്ക് എത്തിയതിന്റെ കാരണം വെളിപ്പെടുത്തിയിരിക്കുകയാണ് താരം.
പെണ്കുട്ടികളെ ആകര്ഷിക്കാനാണ് ക്രിക്കറ്റ് കളിയാരംഭിച്ചതെന്നാണ് പേസ് ഇതിഹാസം പറയുന്നത്. ഒരു യൂട്യൂബ് ചാനലിന് നല്കിയ അഭിമുഖത്തിലാണ് താരത്തിന്റെ വെളിപ്പെടുത്തല്.
''പെണ്കുട്ടികള്ക്ക് വേണ്ടിയാണ് ഞാന് ക്രിക്കറ്റ് കളിക്കാനാരംഭിച്ചത്. ഞാന് പന്തെറിഞ്ഞ് തുടങ്ങിയത് അവരെ ആകര്ഷിക്കാനാണ്. എന്റെ ഫാസ്റ്റ് ബൗളിങ് അവര് നോക്കി നിന്നിരുന്നു. അങ്ങനെ ഞാന് ഒരു ലോക്കല് സ്റ്റാറായി. എന്നാല് എന്റെ മോട്ടോര്സൈക്കിളില് വരുമ്പോള് അവരുടെ ശ്രദ്ധ കിട്ടാതെയായി. ഇതോടെ ക്രിക്കറ്റില് മുന്നേറണമെന്ന തിരിച്ചറിവുണ്ടായി'' അക്തര് പറഞ്ഞു.