ന്യൂഡൽഹി:ഇംഗ്ലണ്ട് പര്യടനം നടത്തുന്ന ഇന്ത്യൻ ടീമിലെ യുവ ഇന്ത്യൻ വിക്കറ്റ് കീപ്പർ ബാറ്റ്സ്മാൻ റിഷഭ് പന്തിന് കൊവിഡ് സ്ഥിരീകരിച്ചു. ഇതോടെ പന്തിന് ചൊവ്വാഴ്ച ആരംഭിക്കുന്ന സന്നാഹ മത്സരം നഷ്ടമാകും. ഇന്ത്യൻ ടീമിനൊപ്പം മത്സരത്തിനായി ദുർഹാമിലേക്ക് പോകാനും പന്തിനാകില്ല.
ഇന്ത്യൻ ടീമിലെ രണ്ട് താരങ്ങള്‍ക്ക് കൊവിഡ് ബാധിച്ചതായും ഇവരില്‍ ഒരാള്‍ നെഗറ്റീവായെന്നും മറ്റൊരാള്‍ നിരീക്ഷണത്തിലാണെന്നും രാവിലെ റിപ്പോര്‍ട്ടുകളുണ്ടായിരുന്നു. എട്ട് ദിവസമായി പന്ത് ഐസൊലേഷനിലാണെന്നും റിപ്പോര്‍ട്ടുകൾ വന്നിരുന്നു. ഇതിനെ തുടർന്നാണ് പന്തിന് കൊവിഡ് ബാധിച്ചതെന്ന സ്ഥിരീകരണം ഉണ്ടായിരിക്കുന്നത്.
ALSO READ: ഇംഗ്ലണ്ടിലെ ഇന്ത്യന്‍ താരങ്ങളില്‍ കൊവിഡ് ബാധിച്ചത് റിഷഭ് പന്തിനെന്ന് റിപ്പോര്‍ട്ട്