മുംബൈ: ഇന്‍സ്റ്റഗ്രാമില്‍ പോസ്റ്റ് ചെയ്‌ത സ്റ്റോറി മിനുട്ടുകള്‍ക്കകം ഡിലീറ്റ് ചെയ്‌ത ക്രിക്കറ്റര്‍ റിഷഭ് പന്തിന്‍റെ പ്രവര്‍ത്തി ചര്‍ച്ചയാവുന്നു. പേരെടുത്ത് പറഞ്ഞില്ലെങ്കിലും നടി ഉർവശി റൗട്ടേലയുമായുള്ള പോരിന്‍റെ ഭാഗമായിരുന്നു പോസ്റ്റ് എന്നാണ് നെറ്റിസണ്‍സ് പറയുന്നത്. അടുത്തിടെ ഉര്‍വശി നല്‍കിയ ഒരു അഭിമുഖവുമായാണ് ഇരുവരും തമ്മിലുള്ള പോര് തുടങ്ങിയത്.
തന്നെ കാണാന്‍ "ആര്‍പി" മണിക്കൂറുകളോളം കാത്തിരുന്നുവെന്നും 16-17 തവണ ഫോണ്‍ വിളിച്ചിട്ടും താന്‍ എടുത്തിരുന്നില്ലെന്നുമാണ് നടി അഭിമുഖത്തില്‍ പറഞ്ഞത്. ആരാണ് ആര്‍പി എന്ന് അവതാരകന്‍ ചോദിച്ചെങ്കിലും മറുപടി പറയാന്‍ നടി തയ്യാറായില്ല.