ലഖ്‌നൗ:ഇന്ത്യന്‍ ക്രിക്കറ്റിന്‍റെ ഭാവി വാഗ്‌ദാനമാണ് റിങ്കു സിങ് (Rinku Singh). റിങ്കുവിന്‍റെ പേരു കേള്‍ക്കുമ്പോള്‍ മിക്ക ക്രിക്കറ്റ് ആരാധകരുടെയും ഓര്‍മയില്‍ ഇന്ത്യന്‍ പ്രീമിയര്‍ ലീഗിന്‍റെ (indian premier league) കഴിഞ്ഞ സീസണില്‍ ഗുജറാത്ത് ടൈറ്റൻസിനെതിരായ (gujarat titans) മത്സരത്തിലെ തകര്‍പ്പന്‍ പ്രകടനമാവും ഓടിയെത്തുക.
തോറ്റെന്ന് കരുതിയ മത്സരത്തില്‍ റിങ്കുവിന്‍റെ മികവിലായിരുന്നു അന്ന് കൊൽക്കത്ത നൈറ്റ് റൈഡേഴ്‌സ് (kolkata knight riders) വിജയം പിടിച്ചത്. അവസാന ഓവറില്‍ ഗുജറാത്ത് പേസര്‍ യാഷ് ദയാലിനെതിരെ തുടര്‍ച്ചയായ അഞ്ച് സിക്‌സറുകള്‍ പറത്തിക്കൊണ്ടായിരുന്നു 25-കാരന്‍ കൊല്‍ക്കത്തയുടെ വിജയം ഉറപ്പിച്ചത് (Rinku Singh Smashes Consecutive Sixes against Yash dayal in IPL 2023).
ഇപ്പോള്‍ യുപി ടി20 ലീഗിലും (UP T20 league) ഏറെക്കുറെ സമാനമായ പ്രകടം ആവര്‍ത്തിച്ചിരിക്കുകയാണ് റിങ്കു സിങ്. സൂപ്പര്‍ ഓവറില്‍ തുടർച്ചയായി മൂന്ന് സിക്‌സറുകൾ പറത്തിയ റിങ്കു സിങ് (Rinku Singh Smashes Consecutive Sixes) തന്‍റെ ടീമായ മീററ്റ് മാവെറിക്‌സിന്‍റെ (Meerut Mavericks) വിജയം ഉറപ്പിക്കുകയായിരുന്നു.
കാശി രുദ്രാസിനെതിരായ (Kashi Rudras) മത്സരത്തിലായിരുന്നു റിങ്കുവിന്‍റെ വമ്പന്‍ പ്രകടനം. മത്സരത്തില്‍ ഇരു ടീമുകള്‍ക്കും 181 റൺസ് വീതമാണ് നേടാന്‍ കഴിഞ്ഞത്. നിശ്ചിത ഓവര്‍ ഇന്നിങ്‌സില്‍ കാര്യമായ പ്രകടനം നടത്താന്‍ റിങ്കുവിന് കഴിഞ്ഞിരുന്നില്ല. 22 പന്തിൽ 15 റൺസ് മാത്രമായിരുന്നു താരം നേടിയത്.