ട്രിനിഡാഡ്:വെസ്റ്റിൻഡീസ് ക്രിക്കറ്റ് താരം നിക്കോളാസ് പുരാൻ വിവാഹിതനായി. ദീർഘകാല സുഹൃത്തായ അലീസ മിഗ്വേലാണ് വധു. വിവാഹ ചിത്രം താരം സമൂഹമാധ്യമങ്ങളിലൂടെ പങ്കുവെച്ചിട്ടുണ്ട്. ദെെവത്തിന്‍റെ ഏറ്റവും വലിയ അനുഗ്രഹമാണ് അലീസയെ വധുവായി ലഭിച്ചതെന്നാണ് ചിത്രം പങ്കുവെച്ചുകൊണ്ട് പുരാന്‍ കുറിച്ചത്.
‘പല കാര്യങ്ങളും നല്‍കി ജീവിതത്തില്‍ ദൈവം എന്നെ അനുഗ്രഹിച്ചിട്ടുണ്ട്. എന്നാല്‍, നിന്നെ ജീവിത പങ്കാളിയായി ലഭിച്ചതിനേക്കാൾ വലുതായി ഒന്നുമില്ല. സ്വാഗതം മിസ്റ്റർ ആൻഡ് മിസിസ് പുരാൻ’ – 25കാരനായ പുരാന്‍ കുറിച്ചു.