ദുബായ് : ഐസിസിയുടെ ഏറ്റവും പുതിയ ടെസ്റ്റ് റാങ്കിങ്ങില് സ്ഥാനനഷ്ടമില്ലാതെ ഇന്ത്യൻ താരങ്ങൾ. ബാറ്റര്മാരുടെ റാങ്കിങ്ങില് ഇന്ത്യന് നായകന് രോഹിത് ശര്മ എട്ടാം സ്ഥാനം നിലനിര്ത്തിയപ്പോള് മുന് നായകന് വിരാട് കോലി പത്താം സ്ഥാനത്ത് തുടരുന്നു. ഇന്ത്യയുടെ വിക്കറ്റ് കീപ്പര് ബാറ്ററായ റിഷഭ് പന്ത് പതിനൊന്നാം സ്ഥാനത്താണ്. അതേസമയം ശ്രേയസ് അയ്യർ ഒരു സ്ഥാനം നഷ്ടപ്പെടുത്തി 35-ാം സ്ഥാനത്തേക്കിറങ്ങി.
ഓസ്ട്രേലിയയുടെ മാര്നസ് ലാബുഷെയ്ന് ബാറ്റിങ് റാങ്കിങ്ങില് ഒന്നാം സ്ഥാനം നിലനിര്ത്തിയപ്പോള് ഓസ്ട്രേലിയയുടെ സ്റ്റീവ് സ്മിത്ത് രണ്ടാമതും ന്യൂസിലാന്ഡ് നായകന് കെയ്ന് വില്യംസണ് മൂന്നാം സ്ഥാനത്തും തുടരുന്നു. പുതിയ റാങ്കിങ്ങിൽ ഏറ്റവുമധികം നേട്ടമുണ്ടാക്കിയത് ബംഗ്ലാദേശ് ശ്രീലങ്കൻ താരങ്ങളാണ്.