നോട്ടിംഗ്ഹാം :ടെസ്റ്റ് മത്സരങ്ങളിൽ അധികം വിക്കറ്റ് നേടുന്ന താരങ്ങളുടെ പട്ടികയിൽ ഇന്ത്യൻ ബൗളിങ് ഇതിഹാസം അനിൽ കുംബ്ലെയെ പിന്നിലാക്കി ഇംഗ്ലണ്ട് പേസർ ജെയിംസ്‌ ആൻഡേഴ്‌സണ്‍. ഇന്ത്യക്കെതിരായ ആദ്യ ഇന്നിങ്സിൽ നാല് വിക്കറ്റ് വീഴ്‌ത്തിയതോടെയാണ് താരം കുംബ്ലയെ മറികടന്നത്.
132 മത്സരങ്ങളിൽ നിന്ന് 619 വിക്കറ്റുകളാണ് കുംബ്ലെ നേടിയത്. എന്നാല്‍ 163 മത്സരങ്ങളിൽ നിന്ന് 621 വിക്കറ്റുകളാണ് ആന്‍ഡേഴ്‌സന്‍റെ സമ്പാദ്യം. ഇംഗ്ലണ്ടിനായി കൂടുതല്‍ ടെസ്റ്റ് മത്സരങ്ങള്‍ കളിച്ച താരവും ആന്‍ഡേഴ്‌സണാണ്.