മുംബൈ: ഐപിഎല്ലില്‍ നിന്ന് മുന്‍ ചാമ്പ്യന്‍മാരായ ചെന്നൈ സൂപ്പര്‍ കിങ്സ് പുറത്തായതിന് പിന്നാലെ ടീം മാനേജ്മെന്റിനെ രൂക്ഷമായി വിമര്‍ശിച്ച് മുന്‍ പാകിസ്ഥാന്‍ പേസ് ബൗളര്‍ ശുഐബ് അക്തര്‍ രംഗത്ത്. ഒട്ടും ഗൗരവത്തോടെയല്ല സിഎസ്‌കെ മാനേജ്മെന്‍റ് കാര്യങ്ങളെ നോക്കിക്കാണുന്നതെന്ന് പറഞ്ഞ അക്തര്‍ ധോണി വിരമിച്ചുകഴിഞ്ഞാല്‍ ടീം മേനേജ്മെന്‍റ് എന്തുചെയ്യുമെന്നും ചോദിച്ചു. പ്രമുഖ വെബ്സൈറ്റായ സ്‌പോര്‍ട്‌സ് കീടയ്‌ക്ക് നല്‍കിയ അഭിമുഖത്തിലാണ് പാക് താരത്തിന്‍റെ പ്രതികരണം.
എക്കാലവും ചെന്നൈ ടീമില്‍ നിന്ന് മാറ്റി നിര്‍ത്താന്‍ കഴിയാത്ത താരമാണ് ധോണി. അടുത്ത രണ്ട് ഐപിഎല്‍ സീസണിലും അദ്ദേഹം ടീമിനായി കളിക്കണം. ടീമിലേക്ക് ഉപദേശകനായിട്ടോ, മുഖ്യ പരിശീലകനായിട്ടോ ധോണി എത്തുന്നതും മോശം തീരുമാനം ആയിരിക്കില്ലെന്നും അക്തര്‍ വ്യക്തമാക്കി.