നവി മുംബൈ:ഇന്ത്യൻ സൂപ്പർ ലീഗിൽ ചെന്നൈ സൂപ്പർ കിങ്ങ്‌സ് ഇന്ന് ശക്‌തരായ ബാംഗ്ലൂർ റോയൽ ചലഞ്ചേഴ്‌സിനെ നേരിടും. രാത്രി 7.30ന് നവി മുംബൈയിലെ ഡിവൈ പാട്ടീല്‍ സ്റ്റേഡിയത്തിലാണ് മത്സരം. കളിച്ച നാല് മത്സരത്തിലും തോറ്റമ്പിയാണ് ചെന്നൈയുടെ വരവ്, മറുവശത്ത് തുടര്‍വിജയങ്ങളുമായിട്ടാണ് ബാംഗ്ലൂർ ഇറങ്ങുന്നത്.
ചെന്നൈ നിരയിൽ ഋതുരാജ് ഗെയ്ക്വാദ് കഴിഞ്ഞ സീസണിലെ ഫോമിന്‍റെ നിഴല്‍മാത്രം. മോയീന്‍ അലിയും റോബിന്‍ ഉത്തപ്പയും അമ്പാട്ടി റായുഡുവും പതിവ് മികവിലേക്ക് എത്തിയിട്ടില്ല. ജഡേജ, ഡ്വെയ്ന്‍ ബ്രാവോ, ശിവം ദുബേ എന്നിവരുടെ ഓള്‍റണ്ട് മികവ് നിര്‍ണായകമാവും.
മറുഭാഗത്ത് പുതിയ ക്യാപ്റ്റന്‍ ഫഫ് ഡുപ്ലെസിക്കു കീഴില്‍ ആര്‍സിബി ശരിയായ ട്രാക്കില്‍ തന്നെയാണ് മുന്നേറുന്നത്. പഞ്ചാബ് കിങ്‌സുമായുള്ള ആദ്യ മല്‍സരത്തില്‍ തോറ്റുകൊണ്ടാണ് തുടങ്ങിയതെങ്കിലും തുടര്‍ന്നുള്ള മൂന്നു മല്‍സരങ്ങളിലും ജയിച്ച് ആര്‍സിബി മുന്നേറുകയാണ്. നിലവില്‍ ആറു പോയിന്‍റുമായി ലീഗില്‍ മൂന്നാമതാണ് അവർ.