ഷാര്‍ജ: ഐപിഎല്‍ രണ്ടാം ക്വാളിഫയര്‍ മത്സരത്തില്‍ ഡല്‍ഹി ക്യാപിറ്റല്‍സിനെതിരെ ടോസ് നേടിയ കൊല്‍ക്കത്ത നൈറ്റ് റൈഡേഴ്സ് ബൗളിങ് തെരഞ്ഞെടുത്തു. ആദ്യ ക്വാളിഫയറില്‍ ചെന്നൈക്കെതിരെ തോല്‍വി വഴങ്ങിയ ടീമില്‍ ഒരു മാറ്റവുമായാണ് ഡല്‍ഹി ഇറങ്ങുന്നത്.
പേസര്‍ ടോം കറന് പകരം പരിക്ക് മാറി തിരിച്ചെത്തിയ ഓസീസ് ഓള്‍ റൗണ്ടര്‍ മാര്‍ക്കസ് സ്റ്റോയിനസാണ് ടീമില്‍ ഇടം പിടിച്ചത്. അതേസമയം എലിമിനേറ്ററില്‍ റോയല്‍ ചല‍ഞ്ചേഴ്സ് ബംഗ്ലൂരിനെ കീഴടക്കിയ ടീമില്‍ മാറ്റങ്ങളൊന്നുമില്ലാതെയാണ് കൊല്‍ക്കത്ത ഇന്നിറങ്ങുന്നത്.