ബെംഗളൂരു : ഐപിഎല്‍ താരലേലത്തില്‍ മലയാളി പേസര്‍ എസ്.ശ്രീശാന്തിനെ ആരും തന്നെ വിളിച്ചെടുത്തില്ല. ലേലം അവസാന ഘട്ടത്തിലെത്തുമ്പോഴും ഫ്രാഞ്ചൈസികള്‍ ആവശ്യപ്പെട്ട കളിക്കാരുടെ പട്ടികയിൽ, ശ്രീശാന്തിനെ വിളിച്ചില്ല. ലേലപ്പട്ടികയിൽ 429 ആയിരുന്നു ശ്രീശാന്തിന്‍റെ സ്ഥാനം. പട്ടികയിൽ ശ്രീശാന്തിന് പിന്നിൽ ഉള്ളവരെ വിളിച്ചു. 50 ലക്ഷം രൂപയായിരുന്നു ശ്രീശാന്തിന്‍റെ അടിസ്ഥാന വില.
9 വർഷത്തിനുശേഷം കേരള രഞ്ജി ടീമിലേക്ക് തെരഞ്ഞെടുക്കപ്പട്ടിട്ടുണ്ട് ശ്രീശാന്ത്. ഐപിഎൽ താരലേലത്തില്‍ ഏതെങ്കിലും ടീം വിളിച്ചെടുക്കുമെന്ന പ്രതീക്ഷയിലായിരുന്നു താരം.