മുംബൈ : രസകരമായ ട്വീറ്റുകൾക്ക് സോഷ്യൽ മീഡിയയില്‍ പേരെടുത്തയാളാണ് ഇന്ത്യയുടെ മുന്‍ ക്രിക്കറ്റര്‍ വിരേന്ദർ സെവാഗ്. എന്നാല്‍ കൊല്‍ക്കത്തയ്‌ക്കെതിരായ മുംബൈയുടെ തോല്‍വിക്ക് പിന്നാലെ താരം നടത്തിയ 'വട പാവ്' ട്വീറ്റ് ചിലര്‍ക്കത്ര രസിച്ചിരുന്നില്ല. ട്വീറ്റിനെതിരെ മുംബൈ ഇന്ത്യൻസിന്‍റേയും ക്യാപ്റ്റൻ രോഹിത് ശർമയുടെയും ആരാധകരാണ് രംഗത്തെത്തിയത്.
മുന്‍ ചാമ്പ്യന്മാരുടെ പോരാട്ടത്തില്‍ പാറ്റ് കമ്മിന്‍സിന്‍റെ തീപ്പൊരി പ്രകടനത്താലാണ് മുംബൈയെ കൊൽക്കത്ത മറികടന്നത്. 15 പന്തുകളില്‍ നിന്ന് 56 റണ്‍സെടുത്ത കമ്മിന്‍സിന്‍റെ മികവില്‍ നാല് ഓവർ ബാക്കി നിൽക്കെയാണ് കൊല്‍ക്കത്ത ജയിച്ച് കയറിയത്. ഇതോടെ കമ്മിന്‍സിനെ അഭിനന്ദിച്ചായിരുന്നു സെവാഗിന്‍റെ ട്വീറ്റ്.