മുംബൈ : ഐപിഎല്ലില്‍ പഞ്ചാബ് കിങ്സിനെതിരെ ഡല്‍ഹി ക്യാപിറ്റല്‍സിന് 116 റണ്‍സ് വിജയ ലക്ഷ്യം. ആദ്യം ബാറ്റ് ചെയ്‌ത പഞ്ചാബ് നിശ്ചിത ഓവറില്‍ മുഴുവന്‍ വിക്കറ്റും നഷ്‌ടപ്പെടുത്തിയാണ് 115 റണ്‍സെടുത്തത്. 23 പന്തില്‍ 32 റണ്‍സെടുത്ത ജിതേഷ് ശര്‍മയാണ് പഞ്ചാബിന്‍റെ ടോപ് സ്‌കോറര്‍.
ജിതേഷിന് പുറമെ 15 പന്തില്‍ 24 റണ്‍സെടുത്ത ക്യാപ്റ്റന്‍ മായങ്ക് അഗര്‍വാളിന് മാത്രമേ ഒരല്‍പം പിടിച്ചുനില്‍ക്കാനായുള്ളൂ. ശിഖർ ധവാൻ (10 പന്തില്‍ 9), ജോണി ബെയർസ്റ്റോ (8 പന്തില്‍ 9), ലിയാം ലിവിംഗ്സ്റ്റൺ (3 പന്തില്‍ 2), ഷാരൂഖ് ഖാൻ(20 പന്തില്‍ 12), കാഗിസോ റബാഡ (6 പന്തില്‍ 2), നഥാൻ എല്ലിസ് (2 പന്തില്‍ 0), രാഹുൽ ചാഹർ (12 പന്തില്‍ 12), അർഷ്ദീപ് സിങ് (17 പന്തില്‍ 9) എന്നിവര്‍ നിരാശപ്പെടുത്തി. വൈഭവ് അറോറ (2) പുറത്താവാതെ നിന്നു.