ന്യൂഡല്‍ഹി: ഐപിഎല്‍ മെഗാ ലേലത്തിന് പേര് രജിസ്റ്റര്‍ ചെയ്‌ത് ഇന്ത്യയുടെ മലയാളി പേസര്‍ എസ് ശ്രീശാന്ത്. 50 ലക്ഷം രൂപ അടിസ്ഥാന വിലയിലാണ് ശ്രീശാന്ത് പേര് രജിസ്റ്റര്‍ ചെയ്തിരിക്കുന്നത്.
ഏഴ്‌ വര്‍ഷത്തെ വിലക്കിന് ശേഷം ലിഗിലേക്ക് തിരിച്ചെത്താനുള്ള രണ്ടാമത്തെ ശ്രമമാണ് കേരള പേസര്‍ നടത്തുന്നത്. കഴിഞ്ഞ സീസണിലും താരം പേര് രജിസ്റ്റര്‍ ചെയ്തിരുന്നെങ്കിലും ആരും പരിഗണിച്ചിരുന്നില്ല. അന്ന് 75 ലക്ഷം രൂപ അടിസ്ഥാന വിലയിലായിരുന്നു ശ്രീശാന്ത് പേര് രജിസ്റ്റര്‍ ചെയ്‌തത്.