ഷാർജ : ചെന്നൈ സൂപ്പർ കിങ്സിനെതിരായ മത്സരത്തിൽ ടോസ് നഷ്‌ടപ്പെട്ട് ബാറ്റിങിനിറങ്ങിയ ബാംഗ്ലൂരിന് മികച്ച തുടക്കം. ഓപ്പണർമാരായ ക്യാപ്റ്റൻ വിരാട് കോലിയും, ദേവ്ദത്ത് പടിക്കലും തകർത്തടിച്ച് തുടങ്ങിയ മത്സരത്തിൽ 18 ഓവർ പിന്നിടുമ്പോൾ നാല് വിക്കറ്റ് നഷ്‌ടത്തിൽ ബാംഗ്ലൂർ 150 റണ്‍സ് നേടിയിട്ടുണ്ട്.
53 റണ്‍സ് നേടിയ കോലി, 70 റൺസ് നേടിയ ദേവ്ദത്ത് പടിക്കല്‍, 12 റൺസ് നേടിയ എബി ഡിവില്ലിയേഴ്‌സ്, ഒരു റൺസ് നേടിയ ടിം ഡേവിഡ് എന്നിവരുടെ വിക്കറ്റുകളാണ് ആർസിബിക്ക് നഷ്ടമായത്.