അബുദാബി: ഐപിഎല്‍ ഗ്രൂപ്പ് പോരാട്ടങ്ങൾ അവസാവ ഘട്ടത്തിലേക്ക് കടക്കുമ്പോൾ ആരെല്ലാമാകും പ്ലേ ഓഫ് കളിക്കുക എന്നതാണ് ആരാധകർ ആകാംക്ഷയോടെ നോക്കുന്നത്. ഇന്ന് വമ്പൻമാർ കളത്തിലിറങ്ങുമ്പോൾ ജയിക്കുന്നവർക്ക് പ്രതീക്ഷ തുടരാം. ഇന്ന് നടക്കുന്ന ആദ്യ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിന് എതിരെ ടോസ് നേടിയ ഡല്‍ഹി ക്യാപിറ്റല്‍സ് ബൗളിങ് തെരഞ്ഞെടുത്തു.
രണ്ട് മാറ്റങ്ങളുമായാണ് ഇന്ന് ഡല്‍ഹി ഇറങ്ങുന്നത്. പരിക്കില്‍ നിന്ന് മുക്തനായ ആൻറിച്ച് നോർട്ട്‌ജെ ഡല്‍ഹി നിരയില്‍ തിരിച്ചെത്തി. ഫോം നഷ്ടമായ പൃഥ്വി ഷായ്ക്ക് പകരം പരിചയ സമ്പന്നനായ അജിങ്ക്യ റഹാനെ ഡല്‍ഹി ടീമില്‍ ഇടം പിടിച്ചു.