ഗുവാഹത്തി: തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തിലെ ലോകകപ്പ് സന്നാഹ മത്സരങ്ങളെ മുടക്കിയ മഴ ഗുവാഹത്തിയിലെ ഇന്ത്യ- ഇംഗ്ലണ്ട് (India vs England) സന്നാഹ മത്സരത്തിലും വില്ലനായി. ഗുവാഹത്തിയിലെ ബർസപാര ക്രിക്കറ്റ് സ്റ്റേഡിയത്തില്‍ ടോസിന് ശേഷമാണ് അതിശക്തമായ മഴ എത്തിയത്. ടോസ് നേടിയ ഇന്ത്യന്‍ ക്യാപ്റ്റന്‍ രോഹിത് ശര്‍മ (Rohit Sharma) ബാറ്റിങ് തിരഞ്ഞെടുത്തിരുന്നു.
ബാറ്റിങ് തിരഞ്ഞെടുത്തതിന് പ്രത്യേകിച്ച് കാരണങ്ങള്‍ ഒന്നും തന്നെയില്ലെങ്കിലും ഗുവാഹത്തിയിലെ കനത്ത ചൂടില്‍ പന്തെറിയാന്‍ ആഗ്രഹിക്കുന്നില്ലെന്ന് രോഹിത് ശര്‍മ പ്രതികരിച്ചിരുന്നു. എന്നാല്‍ ഇന്ത്യ ബാറ്റിങ് ആരംഭിക്കും മുമ്പ് എത്തിയ മഴ ഇടയ്‌ക്ക് മാറി നിന്നെങ്കിലും വീണ്ടും ശക്തമായതോടെ മത്സരം ഉപേക്ഷിക്കാന്‍ തീരുമാനിക്കുകയായിരുന്നു. ഇതോടെ ഒരു പന്ത് പോലും എറിയാനാവാതെയാണ് മത്സരം റദ്ദാക്കിയത് (India vs England cricket world cup 2023 Warm-up game abandoned).
ലോകകപ്പില്‍ പ്രധാന മത്സരങ്ങള്‍ ആരംഭിക്കും മുമ്പ് അവസാന ടീമില്‍ അവസാന മിനിക്കുപണികളാണ് ടൂര്‍ണമെന്‍റിലെ ഫേവറേറ്റുകളായ ഇന്ത്യയും ഇംഗ്ലണ്ടും തമ്മില്‍ പോരടിക്കുമ്പോള്‍ ലക്ഷ്യം വച്ചിരുന്നത്. ഇനി ഇന്ത്യയ്‌ക്ക് നെതര്‍ലന്‍ഡ്‌സിനെതിരെ തിരുവനന്തപുരത്തും ഇംഗ്ലണ്ടിന് ഗുവാഹത്തിയില്‍ തന്നെ ബംഗ്ലാദേശിനെതിരെയുമാണ് സന്നാഹ മത്സരങ്ങളുളളത്.
ALSO READ:Cricket World Cup 2023 Afghanistan Team: ലക്ഷ്യം ലോക കിരീടം തന്നെ, സ്വപ്‌നക്കുതിപ്പ് നടത്താൻ അഫ്‌ഗാനിസ്ഥാൻ
ഒക്‌ടോബര്‍ മൂന്ന് ചൊവ്വാഴ്‌ചയാണ് ഇന്ത്യ-നെതര്ലന്ഡ്സ് മത്സരം തിരുവനന്തപുരത്തെ ഗ്രീന്‍ഫീല്‍ഡ് സ്റ്റേഡിയത്തില്‍ നിശ്ചയിച്ചിരിക്കുന്നത്. ഒക്‌ടോബര്‍ രണ്ട് തിങ്കളാഴ്‌ചയാണ് ഇംഗ്ലണ്ട് ബംഗ്ലാദേശിനെതിരെ ഇറങ്ങുന്നത്. മഴയത്തെടുര്‍ന്ന് ഗ്രീന്‍ഫീല്‍ഡ് സ്റ്റേഡിയത്തില്‍ ഇന്നലെ നടക്കേണ്ടിയിരുന്ന അഫ്‌ഗാനിസ്ഥാന്‍- ദക്ഷിണാഫ്രിക്ക മത്സരം മഴയെത്തുടര്‍ന്ന് ഉപേക്ഷിച്ചിരുന്നു. ഇന്നത്തെ ഓസ്‌ട്രേലിയ-നെതര്ലന്ഡ്സ് മത്സരത്തിന്‍റെ ടോസും മഴയത്തെുടര്‍ന്ന് വൈകുകയാണ്.
അടുത്തിടെ നടന്ന ഏഷ്യ കപ്പില്‍ (Asia Cup 2023) ചാമ്പ്യന്മാരായ ഇന്ത്യ പിന്നാലെ ഓസ്‌ട്രേലിയയ്‌ക്ക് എതിരായ ഏകദിന പരമ്പരയും സ്വന്തമാക്കിയിരുന്നു. ഇതോടെ സ്വന്തം മണ്ണില്‍ നടക്കുന്ന ലോകകപ്പിനായി ലോക ഒന്നാം നമ്പര്‍ ടീമായി ഇറങ്ങാന്‍ ഇന്ത്യയ്‌ക്ക് കഴിഞ്ഞു. ഓസീസിനെതിരായ മൂന്ന് മത്സര പരമ്പര 2-1ന് ആയിരുന്നു ആതിഥേയരായ ഇന്ത്യ നേടിയത്.
ALSO READ: Cricket World Cup 2023 Bangladesh Team കരുതിയിരിക്കണം ബംഗ്ലാ കടുവകളെ; ഇന്ത്യന്‍ മണ്ണില്‍ പുത്തന്‍ പ്രതീക്ഷയുമായി ഷാക്കിബും സംഘവും
അതേസമയം അയര്‍ലന്‍ഡിന് എതിരെയായിരുന്നു ഇംഗ്ലണ്ടിന്‍റെ അവസാന പരമ്പര. മൂന്ന് മത്സര പരമ്പരയിലെ ഒരു മത്സരം മാത്രമായിരുന്നു പൂര്‍ത്തിയായത്. അതില്‍ ഇംഗ്ലണ്ട് വിജയിക്കുകയും ചെയ്‌തിരുന്നു. മറ്റ് രണ്ട് മത്സരങ്ങളും മഴയെത്തുടര്‍ന്ന് ഉപേക്ഷിക്കുകയായിരുന്നു. നിലവിലെ ചാമ്പ്യന്മാര്‍ കൂടി ആയാണ് ഇംഗ്ലീഷ് ടീം ഇന്ത്യയില്‍ പോരിനിറങ്ങുന്നത്.
ALSO READ:Rohit Sharma Set To Break Sachin Tendulkar’s Record : പൊളിയാനിരിക്കുന്നത് സച്ചിന്‍റേയും ഗെയ്‌ലിന്‍റേയും വമ്പന്‍ റെക്കോഡുകള്‍ ; ഹിറ്റ്‌മാനെ കാത്തിരിക്കുന്ന നേട്ടങ്ങളറിയാം
