കൊളംബോ : ഇന്ത്യൻ താരം ക്രുനാൽ പാണ്ഡ്യക്ക് കൊവിഡ് സ്ഥിരീകരിച്ചതിനെ തുർന്ന് മാറ്റി വെച്ച ഇന്ത്യ- ശ്രീലങ്ക ഏകദിനത്തിൽ ടോസ് നേടിയ ശ്രീലങ്ക ഇന്ത്യയെ ബാറ്റിങ്ങിനയച്ചു. മലയാളി താരം സഞ്ജു സാസണ്‍ ടീമിൽ ഇടം നേടിയിട്ടുണ്ട്. ദേവ്ദത്ത് പടിക്കലും, നിതീഷ് റാണയും, റിതുരാജ് ഗെയ്ക്‌വാദും, ചേതന്‍ സക്കറിയയും ഇന്ത്യക്കായി ഇന്ന് അരങ്ങേറും.
അതേസമയം ക്രുനാലുമായി സമ്പർക്കം പുലർത്തിയ എട്ട് താരങ്ങൾ ഇന്ന് കളിക്കില്ല. ഹാര്‍ദിക് പാണ്ഡ്യ, സൂര്യകുമാര്‍ യാദവ്, പൃഥ്വി ഷാ, ദീപക് ചാഹര്‍, കൃഷ്ണപ്പ ഗൗതം, ഇഷാന്‍ കിഷന്‍, യൂസ്‌വേന്ദ്ര ചാഹല്‍ എന്നീ താരങ്ങളെയാണ് ഇന്ന് ഒഴിവാക്കിയത്.
ആർ.ടി.പി.സി.ആർ പരിശോധനയിൽ ഇവരെല്ലാം നെഗറ്റീവാണെങ്കിലും താരങ്ങൾ കൂടുതൽ നിരീക്ഷണത്തിനായി ഐസൊലേഷനിലാണ്. ഇവർക്ക് അടുത്ത മത്സരവും കളിക്കാൻ കഴിയില്ല എന്നാണ് റിപ്പോർട്ടുകൾ.
ALSO READ:ക്രുണാലുമായി സമ്പർക്കമുള്ള എട്ട് താരങ്ങളുടെ കൊവിഡ് പരിശോധനാഫലം നെഗറ്റീവ്
ഈ താരങ്ങൾക്ക് പകരം നെറ്റ് ബൗളര്‍മാരായ ഇഷാന്‍ പൊരെല്‍, സന്ദീപ് വാര്യര്‍, അര്‍ഷദീപ് സിങ്, സായ് കിഷോര്‍, സിമ്രജിത് സിങ് എന്നിവരെ ടീമില്‍ ഉള്‍പ്പെടുത്തിയിട്ടുണ്ട്.