ഹരാരെ:സിംബാബ്‌വെയ്‌ക്കെതിരായ ഒന്നാം ഏകദിനത്തില്‍ നിന്ന് രാഹുല്‍ ത്രിപാഠിയെ തഴഞ്ഞതില്‍ പ്രതിഷേധവുമായി ആരാധകര്‍. സമൂഹമാധ്യമങ്ങളിലൂടെയാണ് ആരാധകര്‍ പ്രതിഷേധം രേഖപ്പെടുത്തിയത്. ഇന്നത്തെ (സിംബാബ്‌വെയ്‌ക്ക് എതിരായ ആദ്യ ഏകദിനം) മത്സരത്തില്‍ രാഹുല്‍ ത്രിപാഠിക്ക് രാജ്യാന്തര അരങ്ങേറ്റത്തിനുള്ള അവസരം ലഭിക്കുമെന്ന റിപ്പോര്‍ട്ടുകള്‍ പുറത്ത് വന്നിരുന്നു.
അതേസമയം മൂന്ന് വിക്കറ്റ് കീപ്പര്‍ ബാറ്റര്‍മാര്‍ക്ക് അന്തിമ ഇലവനില്‍ സ്ഥാനം നല്‍കി രാഹുല്‍ ത്രിപാഠിയെ തഴഞ്ഞതാണ് ആരാധകരെ ചൊടിപ്പിച്ചത്. ക്യാപ്റ്റന്‍ കെഎല്‍ രാഹുലിനൊപ്പം സ‍ഞ്ജു സാംസണ്‍, ഇഷാന്‍ കിഷന്‍ എന്നിവരിലൊരാള്‍ മാത്രമേ ഇടംപിടിക്കൂ എന്ന വിലയിരുത്തലിലായിരുന്നു പലരും. ഐപിഎല്ലില്‍ മികച്ച പ്രകടനം പുറത്തെടുത്തതിന് പിന്നാലെയാണ് രാഹുല്‍ ത്രിപാഠിയെ ഇന്ത്യന്‍ ടീമിലേക്ക് പരഗിഗണിച്ചത്.