അബുദാബി : ടി20 ലോകകപ്പ് മത്സരങ്ങൾ നടക്കുന്ന അബുദാബിയിലെ ഷെയ്ഖ് സയ്യിദ് സ്റ്റേഡിയത്തിൽ നടന്ന മത്സരം കണ്ട ആരാധകർക്ക് കൗതുകമായി വ്യത്യസ്തമായ ഗ്യാലറി. പുൽത്തകിടിയിൽ ഒരു കൂടുപോലെ വേലി കെട്ടിത്തിരിച്ച് അതിനകത്താണ് മത്സരം കാണാനെത്തിയ കാണികൾ ഇരുന്നിരുന്നത്.
കൊവിഡ് കാലത്ത് സാമൂഹിക അകലം പാലിക്കുന്നതിന്റെ ഭാഗമായിട്ടായിരുന്നു ഈ വേലികൾ തീർത്തത്. പുൽത്തകിടിയിൽ വേലി കെട്ടിത്തിരിച്ച് ഫാമിലി പോഡുകളിൽ ഇരുന്നാണ് ഒരു കൂട്ടം ആരാധകർ മത്സരം കണ്ടത്.