മുബൈ : ഫാഫ് ഡു പ്ലെസിസിന്‍റെ മികച്ച നേതൃപാടവമാണ് ഐപിഎല്ലിന്‍റെ പുതിയ സീസണിലേക്ക് അദ്ദേഹത്തെ ടീമിലെത്തിക്കാന്‍ പ്രധാന കാരണമെന്ന് റോയൽ ചലഞ്ചേഴ്‌സ് ബാംഗ്ലൂരിന്‍റെ (ആര്‍സിബി) വെറ്ററൻ താരം വിരാട് കോലി. 2008ലെ ആദ്യ പതിപ്പ് മുതൽ ആര്‍സിബിയോടൊപ്പമുള്ള കോലി 2013 മുതൽ ടീമിന്‍റെ ക്യാപ്റ്റനായിരുന്നു. തുടര്‍ന്ന് കഴിഞ്ഞ വർഷത്തെ ഐപിഎല്ലിനുശേഷമാണ് താരം നായകസ്ഥാനം ഉപേക്ഷിച്ചത്.
'ഫാഫിനെ ഞങ്ങൾക്കായി ലേലത്തിൽ പിടിക്കുന്നു, പദ്ധതികള്‍ എല്ലാം വളരെ വ്യക്തമായിരുന്നു. ഞങ്ങൾക്ക് വളരെയധികം ബഹുമാനം നൽകുന്ന ഒരു ക്യാപ്റ്റനെയായിരുന്നു വേണ്ടിയിരുന്നത്. നിര്‍ദേശങ്ങളായിരുന്നു, ആജ്ഞയല്ല ഞങ്ങള്‍ക്ക് വേണ്ടത്.
അദ്ദേഹം ഒരു ടെസ്റ്റ് ക്യാപ്റ്റനാണ്, ആ നിലയില്‍ ഇതിനകം തന്നെ ധാരാളം അംഗീകാരങ്ങളുമുണ്ട്. ആർ‌സി‌ബിയെ അദ്ദേഹം നയിക്കുന്നതിൽ ഞങ്ങൾക്ക് ആവേശമുണ്ട്' - കോലി പറഞ്ഞു.