ഹൈദരാബാദ്:രണ്ടാമത്തെ ട്വന്‍റി-20 മത്സരത്തിനായി കേരളത്തിലെത്തിയ വെസ്‌റ്റ് ഇന്‍ഡീസ് ടീം കേരളത്തിലെ തങ്ങളുടെ ആരാധകരെ കണ്ടതിന്‍റെ ആഹ്ളാദത്തിലാണ്. വിൻഡീസ് ടീം മലയാളി ആരാധകരുടെ ചിത്രം ഉൾപ്പെടെ ട്വീറ്റ് ചെയ്തു.
വിന്‍ഡീസ് നായകന്‍ കീറോണ്‍ പൊള്ളാർഡിന്‍റെയും ഇതിഹാസ താരം ബ്രയാന്‍ ലാറയുടെയും ടെസ്റ്റ് നായകൻ ഹോൾഡറുടെയും ജേഴ്‌സികൾ അണിഞ്ഞ ക്രിക്കറ്റ് പ്രേമികളുടെ ചിത്രമാണ് ട്വീറ്റുലുള്ളത്. ലോകത്ത് എവിടെയാണെങ്കിലും പിന്തുണയുമായി ആരാധകർ എത്തും. ഇതാ കേരളത്തില്‍ നിന്നുള്ള ആരാധകരെന്ന് പറഞ്ഞാണ് ചിത്രങ്ങൾ ട്വീറ്റ് ചെയ്തിരിക്കുന്നത്.