ലണ്ടന്‍: ഇന്ത്യന്‍ ക്രിക്കറ്റ് ടീമിന്‍റെ ഇംഗ്ലണ്ട് പര്യടനം അടുത്ത വര്‍ഷം. 2021 ഓഗസ്റ്റിൽ ആരംഭിക്കാനിരിക്കുന്ന പര്യടനത്തിന്‍റെ ഭാഗമായി അഞ്ച് ടെസ്റ്റുകളുള്ള പരമ്പരയില്‍ വിരാട് കോലിയും കൂട്ടരും ഇംഗ്ലണ്ടില്‍ കളിക്കും. പരമ്പര നടക്കുമെന്ന് ഇംഗ്ലണ്ട്, വെയിൽസ് ക്രിക്കറ്റ് ബോർഡ് (ഇസിബി) ട്വീറ്റ് ചെയ്‌തു.
ഇന്ത്യന്‍ ക്രിക്കറ്റ് ടീമിന്‍റെ ഇംഗ്ലണ്ട് പര്യടനം അടുത്ത വര്‍ഷം ഓഗസ്റ്റില്‍
നാല് ടെസ്റ്റുകളുള്ള പരമ്പര ടീം ഇന്ത്യ അടുത്ത വര്‍ഷം നടക്കുന്ന പര്യടനത്തിന്‍റെ ഭാഗമായി ഇംഗ്ലണ്ടില്‍ കളിക്കും. ആദ്യ ടെസ്റ്റ് ഓഗസ്റ്റ് നാല് മുതല്‍ ട്രെന്‍ഡ് ബ്രിഡ്‌ജില്‍
കോലിയും കൂട്ടരും
ട്രെന്‍ഡ് ബ്രിഡ്‌ജ്, ലോർഡ്‌സ്, എമറാൾഡ് ഹെഡിംഗ്‌ലി, കിയ ഓവല്‍, ട്രാഫോർഡ് എന്നിവിടങ്ങളിലാണ് ടെസ്റ്റ്. ഓഗസ്റ്റ് നാല് മുതൽ ആരംഭിക്കുന്ന ടെസ്റ്റ് പരമ്പര സെപ്റ്റംബർ 14ന് സമാപിക്കും. ഓഗസ്റ്റ് 12 മുതല്‍ 16 വരെ ലോഡ്‌സിലാണ് രണ്ടാമത്തെ ടെസ്റ്റ്. മൂന്നാമത്തെ ടെസ്റ്റ് ഓഗസ്റ്റ് 25 മുതല്‍ 29 വരെയും നാലാമത്തെ ടെസ്റ്റ് സെപ്‌റ്റംബര്‍ രണ്ട് മുതല്‍ ആറ് വരെ ഓവലിലും അഞ്ചാമത്തെ ടെസ്റ്റ് സെപ്‌റ്റംബര്‍ 10 മുതല്‍ 14 വരെ ഓള്‍ഡ് ട്രാഫോഡിലും നടക്കും. ഇതിന് മുമ്പ് ഇന്ത്യ ഇംഗ്ലണ്ടില്‍ പര്യടനം നടത്തിയപ്പോള്‍ 1-4ന് വിരാട് കോലിയും കൂട്ടരും പരാജയപ്പട്ടിരുന്നു.
ഇംഗ്ലണ്ടിന്‍റെ പുരുഷ, വനിത, ഭിന്നശേഷി ടീമുകളുടെ അടുത്ത വര്‍ഷത്തേക്കുള്ള രാജ്യാന്തര കലണ്ടര്‍ പുറത്തിറക്കികൊണ്ടായിരുന്നു ബോര്‍ഡ് ഇന്ത്യന്‍ ക്രിക്കറ്റ് ടീമിന്‍റെ പര്യടനം സംബന്ധിച്ച് പ്രഖ്യാപിച്ചത്.