മുംബൈ:അണ്ടർ 19 ലോകകപ്പിനായുള്ള ഇന്ത്യന് ടീമിനെ പ്രഖ്യാപിച്ചു. മുംബൈയില് നടന്ന ബിസിസിഐ വാർഷിക ജനറല് ബോഡി യോഗത്തിലാണ് ഇതുസംബന്ധിച്ച തീരുമാനം.
ഉത്തർപ്രദേശ് സ്വദേശിയും ഭാവി പ്രതീക്ഷയുമായ പ്രയം ഗർഗ് ഇന്ത്യന് ടീമിനെ നയിക്കും. നേരിത്തെ അഫ്ഗാനിസ്ഥാന് എതിരായ അണ്ടർ 19 ഏകദിന പരമ്പരയില് പ്രിയം മികച്ച പ്രകടനം പുറത്താക്കിയിരുന്നു. അണ്ടർ 16, അണ്ടർ 19, രഞ്ജി ട്രോഫി മത്സരങ്ങളില് ഇരട്ട സെഞ്ച്വറി നേടിയതാണ് പ്രിയത്തിന്റെ മികച്ച നേട്ടം. അണ്ടർ 14, അണ്ടർ 16 ടീമുകളിലെ പ്രകടനത്തെ തുടർന്നാണ് അദ്ദേഹം അണ്ടർ 19 ടീമില് ഇടം നേടിയത്.