രാജ്കോട്ട്:ഓസ്‌ട്രേലിയക്ക് എതിരായ രണ്ടാം ഏകദിനത്തില്‍ ഇന്ത്യന്‍ ഓപ്പണർ ശിഖർ ധവാന് പരിക്കേറ്റു. ബാറ്റ് ചെയ്യുന്നതിനിടെ വലത് വാരിയെല്ലിന്‍റെ ഭാഗത്ത് പരിക്കേറ്റതിനാല്‍ താരം രാജ്കോട്ടില് ഓസ്‌ട്രേലിയക്ക് എതിരെ ഫില്‍ഡ് ചെയ്‌തില്ല. ധവാന് പകരം ലെഗ്‌സ്‌പിന്നർ യൂസ്‌വേന്ദ്ര ചാഹലാണ് ഇന്ത്യക്കായി ഫീല്‍ഡ് ചെയ്‌തത്. വലത് വാരിയെല്ലിന്‍റെ ഭാഗത്ത് പരിക്കേറ്റതിനാല്‍ ധവാന് രാജ്കോട്ടില് ഇന്ത്യക്ക് വേണ്ടി രണ്ടാം ഇന്നിങ്സില്‍ കളിക്കില്ലെന്ന് ബിസിസിഐ ട്വീറ്റ് ചെയ്‌തു.
രാജ്കോട്ടില് ഇന്ത്യക്കായി കൂടുതല്‍ റണ്‍സ് സ്വന്തമാക്കിയത് ധവാനാണ്. 90 പന്തില്‍ ഒരു സിക്‌സും 13 ഫോറും അടക്കം 96 റണ്‍സെടുത്താണ് താരം പുറത്തായത്. ധവാനും മൂന്നാമനായി ഇറങ്ങിയ നായകന്‍ വിരാട് കോലിയും ചേർന്ന് 103 റണ്‍സിന്‍റെ രണ്ടാം വിക്കറ്റ് കൂട്ടുകെട്ടാണ് ഉണ്ടാക്കിയത്. 76 പന്തില്‍ ആറ് ഫോറുൾപ്പെടെ 78 റണ്‍സാണ് കോലി സ്വന്തമാക്കിയത്.