മുംബൈ: വെസ്റ്റ്ഇൻഡീസ് പര്യടനത്തിനുള്ള ഇന്ത്യൻ ടീമിനെ പ്രഖ്യാപിച്ചതിന് പിന്നാലെ വിമർശനവുമായി ആരാധകർ. ചില യുവതാരങ്ങളെ ടീമില്‍ നിന്ന് ഒഴിവാക്കിയതാണ് ആരാധകരെ ചൊടുപ്പിച്ചത്.
ഗില്ലും മായങ്ക് അഗർവാളും എവിടെ? ടീം തെരഞ്ഞെടുപ്പിനെതിരെ ആരാധകർ
കേദാർ ജാദവിനെ വീണ്ടും ടീമില്‍ ഉൾപ്പെടുത്തിയതിനെതിരെ വിമർശനം
ഗില്ലും മായങ്ക് അഗർവാളും എവിടെ? ടീം തെരഞ്ഞെടുപ്പിനെതിരെ ആരാധകർ
അടുത്ത ലോകകപ്പ് മുമ്പില്‍ കണ്ടുള്ള മുന്നൊരുക്കങ്ങൾ ഇപ്പോഴേ തുടങ്ങണമെന്നാണ് ഇന്ത്യൻ ക്രിക്കറ്റ് ലോകത്തിന്‍റെ ആവശ്യം. ലോകകപ്പ് ടീമില്‍ ഇടംനേടിയ മായങ്ക് അഗർവാളിനെ എന്തുകൊണ്ട് വിൻഡീസ് പര്യടനത്തിനുള്ള ടീമില്‍ ഉൾപ്പെടുത്തിയില്ല എന്നാണ് ആരാധകർ ഉന്നയിക്കുന്ന പ്രധാന ചോദ്യം. ഓൾറൗണ്ടർ വിജയ്‌ശങ്കർ പരിക്കേറ്റ് പുറത്തായതോടെ ടീമിലെത്തിയ താരമാണ് മായങ്ക് അഗർവാൾ. ലോകകപ്പില്‍ മോശം പ്രകടനം കാഴ്ചവച്ച കേദാർ ജാദവിനെ ടീമില്‍ വീണ്ടും ഉൾപ്പെടുത്തിയതും ആരാധകരെ പ്രകോപിപ്പിക്കുന്നു.
ഐപിഎല്ലില്‍ മികച്ച പ്രകടനം കാഴ്ചവച്ച യുവതാരം ശുഭ്‌മാൻ ഗില്ലിനെയും ഇന്ത്യൻ സെലക്‌ടർമാർ തഴഞ്ഞു. കെ എല്‍ രാഹുല്‍ ഫോം വീണ്ടെടുത്തതോടെ ഇന്ത്യൻ ടീമില്‍ ഇടംനേടാൻ ശുഭ്‌മാൻ ഗില്ലിന് ഇനിയും കാത്തിരിക്കണം. ശ്രേയസ് അയ്യറിനെ ടീമില്‍ ഉൾപ്പെടുത്തിയതിനെ പ്രശംസിച്ചും ആരാധകർ രംഗത്തെത്തിയിട്ടുണ്ട്.