മുംബൈ : ഐപിഎല്ലില്‍ തോല്‍വികളില്‍ വലയുന്ന ചെന്നൈ സൂപ്പര്‍ കിങ്‌സിന് വീണ്ടും തിരിച്ചടി. പരിക്കിനെ തുടര്‍ന്ന് ന്യൂസിലാന്‍ഡ് പേസര്‍ ആദം മില്‍നെ ടീമില്‍ നിന്ന് പുറത്തായി. തുടയ്‌ക്കേറ്റ പരിക്കാണ് കിവീസ് പേസര്‍ക്ക് തിരിച്ചടിയായത്.
ഐപിഎല്‍ ഓപ്പണറില്‍ കൊല്‍ക്കത്ത നൈറ്റ്‌റൈഡേഴ്‌സിനെതിരായ മത്സരത്തില്‍ മില്‍നെയുടെ കാല്‍മുട്ടിന് പരിക്കേല്‍ക്കുകയായിരുന്നു. പകരക്കാരനായി ശ്രീലങ്കന്‍ മീഡിയം പേസറും കൗമാര താരവുമായ മതീഷ പതിരനയെ ടീമിലെടുത്തതായി ചെന്നൈ മാനേജ്‌മെന്‍റ് പ്രസ്‌താവനയില്‍ അറിയിച്ചു.