ലണ്ടൻ: ഇന്ത്യക്കെതിരായ അഞ്ചാമത്തെയും അവസാനത്തെയും ക്രിക്കറ്റ് ടെസ്റ്റിനുള്ള ഇംഗ്ലണ്ട് ടീമിനെ പ്രഖ്യാപിച്ചു. കുഞ്ഞിന്‍റെ ജനനവുമായി ബന്ധപ്പെട്ട് ഓവൽ ടെസ്റ്റിൽ കളിക്കാതിരുന്ന വിക്കറ്റ് കീപ്പർ ബാറ്റ്‌സ്മാൻ ജോസ് ബട്‌ലറും, സ്‌പിന്നർ ജാക്ക് ലീച്ചിനമെയും ടീമിൽ തിരിച്ചെത്തി. ടീമിലുണ്ടായിരുന്ന സാം ബില്ലിങ്സിനെ ഒഴിവാക്കി. വെള്ളിയാഴ്‌ച മാഞ്ചസ്റ്ററിലാണ് മത്സരം
സ്‌പിന്നിനെ തുണക്കുന്ന പിച്ചാണ് മാഞ്ചസ്റ്ററിലെന്നാണ് റിപ്പോർട്ടുകൾ. അതിനാൽ ജാക്ക് ലീച്ചും മൊയീൻ അലിയും അന്തിമ ഇലവനിൽ ഉൾപ്പെടുത്താനാണ് സാധ്യത. ഇന്ത്യയും രണ്ട് സ്‌പിന്നർമാരെ കളിപ്പിക്കാനാണ് സാധ്യത. അങ്ങനെയാണെങ്കിൽ പരമ്പരയിലാദ്യമായി ആർ അശ്വിന് കളിക്കാൻ അവസരം ലഭിച്ചേക്കും.