ബ്രിസ്റ്റോൾ: ഇന്ത്യന്‍ വനിതകള്‍ക്കെതിരായ ടെസ്റ്റ് മത്സരത്തിന്‍റെ ഒന്നാം ഇന്നിങ്സില്‍ ഇംഗ്ലണ്ടിന് മികച്ച സ്കോര്‍. മത്സരത്തിന്‍റെ രണ്ടാം ദിനം ഒമ്പത് വിക്കറ്റ് നഷ്ടത്തില്‍ 396 റണ്‍സെടുത്ത ആതിഥേയര്‍ ഇന്നിങ്സ് ഡിക്ലേര്‍ ചെയ്തു. ക്യാപ്റ്റൻ ഹീതർ നൈറ്റിന്‍റെയും (95 റണ്‍സ്), സോഫിയ ഡങ്ക്ലി (74)യുടേയും പ്രകടനമാണ് ഇംഗ്ലണ്ടിന് തുണയായത്.
റ്റാമി ബൗമോണ്ട് (66), നാറ്റ് സ്കൈവർ (42), അനിയ ഷുബോസ്ലെ (47), ലോറന്‍ വിന്‍ഫീല്‍ഡ് ഹില്‍ (35) തുടങ്ങിയ താരങ്ങളും ടീം ടോട്ടലിലേക്ക് സംഭാവന നല്‍കി.