ലാഹോർ:പാകിസ്ഥാനെതിരായ മൂന്നാമത്തെയും അവസാനത്തെയും ടെസ്റ്റിൽ തകർപ്പൻ ജയത്തോടെ പരമ്പര സ്വന്തമാക്കി ഓസ്ട്രേലിയ. 115 റണ്സിന്റെ കൂറ്റം ജയമാണ് കങ്കാരുപ്പട സ്വന്തമാക്കിയത്. 22 വർഷത്തിന് ശേഷം പാകിസ്ഥാൻ മണ്ണിൽ ടെസ്റ്റ് പരമ്പര എന്ന നേട്ടവും ഓസ്ട്രേലിയ വിജയത്തോടെ സ്വന്തമാക്കി. മത്സരത്തിലെ ആദ്യ രണ്ട് ടെസ്റ്റുകളും സമനിലയിൽ കലാശിച്ചിരുന്നു. സ്കോർ: ഓസ്ട്രേലിയ 391, 227-3, പാകിസ്ഥാൻ 268, 235.
351 റണ്സ് വിജയലക്ഷ്യം പിന്തുടർന്ന പാകിസ്ഥാൻ അവസാന ദിനം വിക്കറ്റ് നഷ്ടമില്ലാതെ 77 റണ്സെന്ന നിലയിലാണ് ബാറ്റിങ് പുനരാരംഭിച്ചത്. എന്നാൽ ഓസീസ് ബൗളർമാക്ക് മുന്നിൽ പിടിച്ചുനിൽക്കാൻ പാക് ബാറ്റർമാർക്കായില്ല. പാക് നിരയിൽ അസ്ഹർ അലി (70), ബാബർ അസം (55) എന്നിവർക്ക് മാത്രമാണ് തിളങ്ങാനായത്.